ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བྱང་ཨ་རིའི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་དང་ལྷན་པེ་ཅིང་གནམ་བདེ་སྒོ་མོ་ཆེའི་ཐང་ཆེན་དུ་སློབ་ཕྲུག་ཚོར་དྲག་གནོན་བྱས་ཏེ་མི་ལོ་༣༥ འཁོར་བའི་དུས་དྲན་ཉིན་མོ་སྲུང་བརྩིའི་ཐད་བགྲོ་གླེང་ཞུས་ཡོད།
ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་ཟུར་པ་རྒྱལ་ལོ་ལགས་སུ་ཁོང་རང་ཉིད་དགུང་ལོ་༢༣ ཡིན་དུས་རྒྱ་ནག་གི་ལན་ཀྲུའུ་གྲོང་ཁྱེར་ནས་དྲུག་བཞི་ལས་འགུལ་ནང་དངོས་སུ་མཉམ་ཞུགས་བྱས་པ་དང་། བོད་པ་དང་སོག་པོ། ཡུ་གུར་བའི་སློབ་ཕྲུག་མང་པོ་ཞིག་ཀྱང་ལས་འགུལ་དེའི་ནང་མཉམ་ཞུགས་བྱས་ཡོད་པའི་ཐད་བགྲོ་གླེང་ཞུས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ཨ་རིར་ཆིབས་སྒྱུར་བསྐྱངས་འཆར་དང་། རྒྱ་གར་གྱི་སྲིད་བློན་མོ་དྷི་སོགས་ལ་འོས་བསྡུའི་རྒྱལ་ཁ་ཐོབ་པར་འཚམས་འདྲི་གནང་བ། ཨ་རིའི་གྲོས་ཚོགས་སུ་དྲུག་བཞི་ལས་འགུལ་དུས་དྲན་སྲུང་བརྩི། མེག་སི་ཀོའི་བུད་མེད་སྲིད་འཛིན། གྷ་ཛའི་ཞི་བདེའི་གྲོས་གཞི་སོགས་ཡོད།
ཕྱི་ཟླ་༥ པའི་ཚེས་༣༠་སྟེ་རེས་གཟའ་ཕུར་བུ་ཉིན་ཧོང་ཀོང་གི་ཆེས་མཐོའི་ཁྲིམས་ཁང་གིས་དམངས་གཙོ་དོན་གཉེར་བ་༡༤ ལ་ཁྲིམས་ཆད་བཅད་པ་དང་མི་༢ ལ་ནག་ཉེས་མེད་པའི་ཐག་གཅོད་བྱས་འདུག དེ་ལ་རྒྱལ་སྤྱིའི་སྤྱི་ཚོགས་དང་རྒྱལ་ཁབ་མང་པོས་དོ་སྣང་དང་སྐྱོན་བརྗོད་བྱེད་བཞིན་ཡོད་ཀྱང་། རྒྱ་ནག་གིས་དེ་ནི་ཁྲིམས་ལྟར་ཐག་གཅོད་བྱུང་བ་ཞིག་རེད་ཟེར།
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ཚེས་༢༡ ཉིན་ཐེ་ཝན་གྱི་སྲིད་འཛིན་གསར་པ་ལའེ་ཆིང་ཏེ་མཆོག་ལ་འཚམས་འདྲི་མཛད་ཡོད་པ་དང་། སྲིད་འཛིན་ལའེ་ཆིང་ཏེ་ལགས་ནས་ཨ་རིའི་ཕྱི་སྲིད་དྲུང་ཆེ་ཟུར་པ་པོམ་ཕེའོ་དང་མཇལ་འཕྲད་གནང་འདུག རྒྱ་ནག་ཕྱོགས་ནས་ཐེ་ཝན་དང་ཨ་རི་ལ་སྐྱོན་བརྗོད་ཤུགས་ཆེ་བྱས་ཡོད་པ་ཚེ་རིང་དབང་མོ་ནས།
དེ་རིང་གི་གསར་འགྱུར་ནང་ཀུན་གཟིགས་པཎ་ཆེན་རིན་པོ་ཆེ་བཙན་ཁྲིད་བྱས་ནས་ལོ་༢༩ འཁོར་བ་དང་། བོད་ཀྱི་འགྲེམས་སྟོན་ཁང་གིས་འགྲེམས་སྟོན་དུས་ཆེན་སྲུང་བརྩི། ཨ་རིའི་སྲིད་འཛིན་གྱི་སྐུ་ཚབ་ཐེ་ཝན་སྲིད་འཛིན་གྱི་དམ་འབུལ་མཛད་སྒོར་ཞུགས་རྒྱུ། ཡུག་ཀེ་རེན་གྱི་དམག་འཁྲུག་མཐུན་རྐྱེན། གྷ་ཛའི་དམག་འཁྲུག་ཁྲོད་ཀྱི་འགལ་ཟླ་སོགས་ཡོད།
སྲིད་སྐྱོང་མཆོག་སུད་སི་དང་ཧྥ་རན་སིར་ཕེབས་པ། བྷ་དན་དང་ཊམ་གཉིས་ཀྱིས་རྩོད་གླེང་ཐེངས་༢ བྱ་རྒྱུར་མོས་མཐུན། ཨ་རིས་སྒོ་ཁྲལ་སྤར་རྒྱུར་རྒྱ་ནག་གིས་སྐྱོན་བརྗོད། ཕུ་ཊིང་རྒྱ་ནག་ཏུ་འཚམས་འདྲི་ཕེབས་པ།
ཨི་སི་རལ་གྱི་རྒྱལ་སྲུང་བློན་ཆེན་གྱིས་རེས་གཟའ་ལྷག་པའི་ཉིན་ཨི་སི་རལ་གྱི་སྲིད་བློན་ནེ་ཐན་ཡ་ཧུ་ཡིས་དམག་འཁྲུག་མཇུག་སྒྲིལ་པའི་རྗེས་སུ་གྷ་ཛར་དོ་དམ་བྱེད་ཕྱོགས་ཀྱི་འཆར་གཞི་གསལ་པོ་ཞིག་སྒྲིག་ཐུབ་མེད་པར་སྐྱོན་བརྗོད་ཤུགས་ཆེ་བྱས་འདུག་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
འདས་པའི་ལོ་ལྔའི་ནང་དམག་འཁྲུག་དང་དྲག་ཟིང་སོགས་ཀྱི་རྐྱེན་པས། འཛམ་གླིང་གི་རྒྱལ་ཁབ་མང་པོའི་ནང་སྡོད་གནས་མེད་པ་ཆགས་ནས་སོ་སོའི་རྒྱལ་ཁབ་ནང་གི་སྐྱབས་བཅོལ་བའི་སྡོད་སྒར་ནང་བསྡད་དགོས་བྱུང་བའི་མི་འབོར་ཤུགས་ཆེ་ཡར་འཕར་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་དང་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་སུ། ཉེ་ལམ་ཨ་རིའི་ཕྱི་སྲིད་དྲུང་ཆེ་ཨན་ཐོ་ཎི་བྷ་ལིན་ཁེན་མཆོག་རྒྱ་ནག་ཏུ་ཉིན་གྲངས་གསུམ་རིང་གི་འཚམས་གཟིགས་གནང་བར་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་སུ། ཉེ་ཆར་ཨ་རིའི་ཕྱི་སྲིད་ལྷན་ཁང་དང་རྒྱལ་སྤྱིའི་ཉེས་ཡང་ཚོགས་པ་གཉིས་ཀྱིས་༢༠༢༣ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནས་སྟངས་སྐོར་ལོ་འཁོར་སྙན་ཐོ་བཏོན་གནང་ཡོད་པའི་ཐད་བགྲོ་གླེང་ཞུས་ཡོད།
སྤྱི་ཟླ་༤ པའི་ཚེས་༢༢ ཉིན་ཨ་རིའི་ཕྱི་སྲིད་ལྷན་ཁང་གིས་༢༠༢༣ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་སྐོར་གྱི་ལོ་འཁོར་སྙན་ཐོ་འདོན་སྤེལ་གནང་ཡོད་པ་དང་། དེའི་ནང་ནས་འདས་ལོར་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་ལ་ཟུར་བཀོད་སྙན་ཐོ་ཞིག་བཏོན་གནང་ཡོད་པ་སོགས་ཀྱི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
རྒྱ་ནག་གི་ལྕགས་རིགས་ལ་སྒོ་ཁྲལ་སྤར་རྒྱུ། རྒྱལ་ཚོགས་ནང་གི་ཨ་རིའི་སྐུ་ཚབ་ཀྱིས་ཉི་ཧོང་ལ་འཚམས་གཟིགས། བཟོ་ལས་ཡར་ཐོན་རྒྱལ་ཁབ་བདུན་གྱི་ཕྱི་སྲིད་བློན་ཆེན་ལྷན་འཛོམས། ཉི་ཧོང་དུ་ས་ཡོམ་འགུལ་ཚད༦.༤ ཅན་ཞིག་བྱུང་། ཁ་ཊར་གྱིས་བར་འདུམ་གྱི་ལས་དོན་ལ་བསྐྱར་ཞིབ་བྱ་རྒྱུ། ཨ་རིའི་ཕྱི་སྲིད་དྲུང་ཆེས་རྒྱ་ནག་ལ་འཚམས་གཟིགས་གནང་འཆར།
ཚེ་རིང་དབང་མོ་ལགས་ཀྱིས་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་ལོ་རྒྱུས་དང་ཞིབ་འཇུག་རིག་པའི་སློབ་དཔོན་འབུམ་རམས་པ་གཉན་ཐར་ལགས་སུ། ལོ་རྒྱུས་ཐོག་བོད་བརྒྱུད་ནང་བསྟན་ལྟེ་བ་བྱས་པའི་བོད་སོག་གཉིས་ཀ་གཅིག་ཕན་གཅིག་གྲོགས་ཡིན་པའི་ཆ་དང་། མ་འོངས་འབྲེལ་ལམ་ཡར་རྒྱས་གཏོང་ཕྱོགས་སོགས་ཀྱི་སྐོར་ནས་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཆེ་བསྟོད་རུ་སོག་སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག་དང་ལྷན་དུ། བོད་སོག་འབྲེལ་ལམ་གྱི་ཚོགས་འདུ་ཐེངས་དང་པོའི་གལ་གནད་དང་མ་འོངས་པར་བོད་སོག་བར་གྱི་འབྲེལ་ལམ་ཡར་རྒྱས་གཏོང་ཕྱོགས་སོགས་ཀྱི་སྐོར་ནས་བགྲོ་གླེང་ཞུ་རྒྱུ།
ཨོ་སི་ཀྲོ་ལི་ཡའི་སྲིད་བློན་གྱིས་རྒུན་ཆང་བཟོ་གྲྭ་ཞིག་ལ་གཟིགས་སྐོར་ཕེབས་དུས། རྒྱ་ནག་གིས་རྒུན་ཆང་གི་སྒོ་ཁྲལ་ཕྱིར་འཐེན་བྱ་རྒྱུའི་ཐག་གཅོད་དེར་དགའ་བསུ་གནང་བ་དང་། ལོ་ཤས་གོང་ཨོ་གླིང་གིས་ཏོག་དབྱིབས་ནད་དུག་གི་འབྱུང་ཁུངས་རྩད་གཅོད་བྲེད་དགོས་པ་སོགས་ཀྱི་འབོད་སྐུལ་བྱས་པས་ཕྱོགས་གཉིས་བར་གྱི་འབྲེལ་ལམ་ཇེ་སྡུག་ཏུ་ཕྱིན།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་གདན་འདྲེན་ཞུས་ནས་ཧོང་ཀོང་གི་བཅའ་ཁྲིམས་དོན་ཚན་༢༣ པ་ཞེས་པ་དེ་གཏན་འབེབས་བྱེད་དགོས་པའི་རྒྱུ་མཚན་དང་དེའི་ཤུགས་རྐྱེན་སོགས་ཀྱི་ཐད་བགྲོ་གླེང་ཞུས་ཡོད།
༢༠༢༤ ལོའི་ཨུ་རུ་སུའི་སྲིད་འཛིན་འོས་བསྡུ་དེ་བཞིན་གཟའ་འཁོར་འདིའི་རེས་གཟའ་པ་སངས་ནས་ཉི་མའི་ཉིན་གྱི་བར་དུས་ཡུན་ཉིན་གྲངས་༣རིང་ལ་སྤེལ་འགོ་ཚུཊ་ཡོད་པ་དང་། ནུབ་ཆིངས་སྒྲིག་འཛུགས་ཀྱི་སྤྱི་ཁྱབ་དྲུང་ཆེ་ལགས་ནས་ཡུག་ཁེ་རན་ལ་མུ་མཐུད་ནས་རྒྱབ་སྐྱོར་བྱ་དགོས་པའི་ནན་སྐུལ་གནང་ཡོད་པའི་སྐོར་ཚེ་རིང་དབང་མོས་སྙན་སྒྲོན་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ནས་འདི་གའི་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་སྐུ་ངོ་བཀྲས་མཐོང་བསྟན་འཛིན་རྣམ་རྒྱལ་ལགས་དང་ལྷན་དུ་ཨ་རིའི་གཟའ་མིག་དམར་འོས་བསྡུ་ཆེན་མོའི་མཇུག་འབྲས་དང་ཤུགས་རྐྱེན་སོགས་ཀྱི་སྐོར་ནས་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་བོད་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་དང་ལྷན་དུ་རྒྱ་ནག་གི་ཚོགས་ཆེན་གཉིས་ཞེས་པ་དང་འབྲེལ་ནས་རྒྱ་ནག་གི་དཔལ་འབྱོར་གྱི་དམིགས་ཡུལ་དང་རྒྱལ་སྲུང་སྐོར་གྱི་སྲིད་ཇུས་སོགས་ཀྱི་སྐོར་ལ་བགྲོ་གླེང་བྱས་ཡོད།
མང་སྣོན།
