ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་རྒྱ་ནག་གི་གནམ་གྲུ་སིམ་འཛུལ་བྱས་པར་ཉི་ཧོང་གིས་ངོ་རྒོལ་དང་། ཡུག་ཀེ་རེན་དང་ཨུ་རུ་སུའི་དམག་འཁྲུག་གནས་སྟངས་དང་བཙོན་པ་བརྗེ་རེས། དཀྱིལ་ཤར་ཁུལ་གྱི་གནས་སྟངས་དང་ཨ་རིའི་ནང་གི་པ་ལི་སི་ཐན་ལ་རྒྱབ་སྐྱོར་བའི་ལས་འགུལ། བྱང་ཀོ་རི་ཡ་དང་ཨུ་རུ་སུའི་འབྲེལ་ལམ་སོགས་ཡོད། ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་མོ་ལགས་ཀྱིས་འདི་ག་ཨ་རིའི་རླུང་འཕྲིན་ཁང་གི་ཚེ་བརྟན་དབང་ཕྱུག་ལགས་དང་ལྷན་དཀྱིལ་ཤར་དམག་འཁྲུག་གནས་སྐབས་རིང་རྒྱ་བསྐྱེད་འགྲོ་མི་སྲིད་པའི་རྟགས་མཚན་མང་པོ་ཞིག་བྱུང་དང་འབྱུང་བཞིན་པའི་ཐད་བགྲོ་གླེང་ཞུ་རྒྱུ་ཡིན།།