ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་གཏན་འཇགས་ཐབས་ཇུས་འཆར་འགོད་ཚོགས་འདུ་ཐེངས་དྲུག་པ་དེ་སུད་སིའི་ནང་སྐོང་འཚོགས་གནང་བ་དང་། ཨ་རིས་རྒྱ་ནག་ལ་སྒོ་ཁྲལ་འབོར་ཆེན་སྤར་བ། བྷི་ལིན་ཁེན་གྱིས་ཡུག་ཀེ་རེན་ལ་འཚམས་གཟིགས། གྷ་ཛའི་དམག་འཁྲུག་ཐད་བློ་འཚབ། གོ་བདེ་བའི་རྩོམ་རིག་ཐད་ཀྱི་བགྲོ་གླེང་འཚོགས་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་ཞང་བོད་རིག་གནས་བགྲོ་གླེང་གོ་སྒྲིག་ཚོགས་གཙོ་དགེ་བཤེས་ཁྲི་གཡུང་དྲུང་ལགས་གདན་འདྲེན་ཞུས་ནས་ཉེ་ཆར་འཚོགས་པའི་རྒྱལ་སྤྱིའི་ཞང་བོད་རིག་གནས་བགྲོ་གླེང་ཐད་གླེང་སློང་ཞུ་རྒྱུ་དང་། དེ་བཞིན་དུ་འཇམ་དབྱངས་རྒྱ་མཚོ་ལགས་ཀྱིས་༧གོང་ས་མཆོག་གིས་ཕྱི་ལོ་ ༡༩༦༩ ལོར་ཕྱག་བཏབ་པའི་ཐེག་ཆེན་ཆོས་གླིང་གཙུག་ལག་ཁང་དབུ་འབྱེད་མཛད་དེ་མི་ལོ་ ༥༥ འཁོར་བའི་དུས་ཚིགས་དང་བསྟུན། ཐེག་ཆེན་ཆོས་གླིང་གཙུག་ལག་ཁང་གི་འཛུགས་སྐྲུན་གྱི་འཕེལ་རིམ་དང་ལོ་རྒྱུས་གལ་གནད་སོགས་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།