ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་ཏཱ་ལའི་བླ་མ་མཐོ་སློབ་ཀྱི་འབུམ་རམས་པ་བདུན་ལ་མཇལ་ཁ་དང་། པཎ་ཆེན་རིན་པོ་ཆེ་དང་འབྲེལ་བའི་གོ་རྟོགས་སྤེལ་བའི་ལས་འགུལ། གྷ་ཛ་དམག་འཁྲུག་གི་གནས་སྟངས། འཛམ་གླིང་ཁོར་ཡུག་ཚོགས་ཆེན། སྤྱི་མཐུན་ཚོགས་པའི་སྲིད་འཛིན་འོས་མིའི་བགྲོ་གླེང་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འབུམ་རམས་པ་གཙང་ཕྲུག་སྟོབས་ལགས་གདན་འདྲེན་གྱིས་ཏཱ་ལའི་བླ་མའི་མཐོ་སློབ་ཀྱི་ལོ་རྒྱུས་རང་བཞིན་ལྡན་པའི་འབུམ་རམས་པའི་མཚན་གནས་བཞེས་ཕྱོགས་ཐད་ལ་བགྲོ་གླེང་ཞུ་རྒྱུ་ཡིན། དེ་བཞིན་དུ་ཚེ་རིང་སྐྱིད་ལགས་ཀྱིས་བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་མཆོག་གྲུབ་ལགས་གདན་འདྲེན་ཞུས་ནས་བོད་རྒྱའི་དཀའ་རྙོག་སེལ་ཐབས་ཀྱི་H.R.533 ཞེས་པའི་ཨ་རིའི་གྲོས་ཚོགས་ཀྱི་བོད་དོན་ཁྲིམས་འཆར་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།