ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མི་མང་སྤྱི་འཐུས་ཀྱི་ཚོགས་དུས་དྲུག་པ་ཕར་འགྱངས་དང་། ༡༩༨༧ ལོའི་ལྷ་སའི་ཞི་རྒོལ་དྲན་གསོ་བྱས་པ། ཨ་རིའི་གཞུང་སྒོ་རྒྱག་སྲིད་པ། ཐེ་ཝན་མཚོ་འགག་ཕྱོགས་གཉིས་སུ་རྒོལ་གཏམ། སི་ལོ་ཝ་ཀིའི་འོས་བསྡུ་དང་ཡུ་རོབ་ཀྱི་ཡུག་ཀེ་རན་དང་འབྲེལ་བའི་མཐུན་ལམ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་དུས་བབ་གསར་ཁང་གི་གསར་འགོད་པ་དང་རྩོམ་སྒྲིག་པ་གཞོན་པ་སྐལ་བཟང་སྦྱིན་པ་ལགས་དང་དམངས་གཙོ་དང་བགྲོ་གླེང་ལས་རིམ་གསར་གཏོད་པ་ལྷ་སྲུང་ལགས་གཉིས་གདན་འདྲེན་ཞུས་ནས་སྐབས་༡༧་པའི་བོད་མི་དམངས་སྤྱི་འཐུས་གྲོས་ཚོགས་ཀྱི་ཚོགས་དུས་༦་པའི་ཐད་བགྲོ་གླེང་ཞུ་རྒྱུ་ཡིན། དེ་བཞིན་དུ་སྐལ་བཟང་འཇིགས་མེད་ལགས་ཀྱིས་རྒྱལ་མཆོག་སྐུ་ཕྲེང་གཉིས་པ་དགེ་འདུན་རྒྱ་མཚོ་མཆོག་དགུང་གྲངས་ཉི་ཤུ་རྩ་གསུམ་ཕེབས་སྐབས་དྭགས་པོ་བཤད་སྒྲུབ་གླིང་གི་མཁན་པོ་གནང་སྟེ་ཐུན་མོང་མ་ཡིན་པའི་དྭགས་གྲྭའི་ཆོས་དབྱངས་གསར་གཏོད་གནང་བ་ད་ལྟའི་ཆར་རྒྱ་གར་དྭགས་པོ་བཤད་སྒྲུབ་གླིང་གྲྭ་ཚང་དུ་རྒྱུན་འཛིན་གནང་བཞིན་པའི་སྐོར་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།