༄༅།། ཨ་མི་རི་ཀའི་སྲིད་འཛིན་ཌོ་ནལ་ཊམ་གྱིས་ཁ་སང་གཟའ་ཉི་མའི་ཉིན་རྒྱལ་ས་ཝ་ཤིང་ཊོན་གྱི་ལིན་ཀིན་དྲན་རྟེན་ཁང་དུ་ཧྥོག་སེ་བརྙན་འཕྲིན་ཁང་གི་ལས་རིམ་ལ་གསུངས་དོན་ལྟར་ན། ཏོག་དབྱིབས་ནད་ཡམས་ཀྱིས་ཨ་མི་རི་ཀར་མི་དྲུག་ཁྲི་བདུན་སྟོང་ལྷག་ལ་སྲོག་སྐྱོན་བྱུང་བ་དང་། ནད་ཡམས་དེའི་རྐྱེན་གྱིས་ཨ་མི་རི་ཀར་མི་ལ་སྲོག་སྐྱོན་བྱུང་བའི་གྲངས་འབོར་དེ་ཆིག་འབུམ་ལ་སླེབས་སྲིད་པའི་ཚོད་དཔག་གནང་གི་ཡོད་པའི་གནས་ཚུལ་དེ་ཕུན་ཚོགས་ཚེ་རིང་གིས་སྙན་སྒྲོན་ཞུ་ཡི་རེད།།