TV Schedule

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་ནག་གི་སྲིད་བློན་ཟུར་པ་ལི་ཁེ་ཆཱང་གློ་བུར་དུ་རྐྱེན་འདས་གྱུར་བ་དང་། ཨ་རིའི་གྲོས་ཚོགས་ཀྱི་ཚོགས་གཙོ་གསར་པ་འདེམས་ཐོན། རིགས་ལམ་སློབ་གཉེར་ཁང་དང་ས་རཱ་མཐོ་སློབ་ཚུགས་པའི་དུས་དྲན་སྲུང་བརྩི། ཨི་སི་རལ་དང་ཧ་མ་སིའི་དམག་འཁྲུག་གི་སྐབས་འདིར་ཨི་རན་གྱི་རྡུལ་ཕྲན་ལས་གཞིར་དོ་སྣང་ཡོང་བཞིན་པ་བཅས་ཡོད། ཀུན་གླེང་ལས་རིམ་དུ་རྒྱ་ནག་དམར་ཤོག་ཚོགས་པས་བོད་ལ་བཙན་འཛུལ་བྱེད་སྐབས། ཨ་རིའི་གསང་བའི་ལས་ཁུངས་ཀྱིས་བོད་མི་ཁག་ཅིག་ལ་དམག་སྦྱོང་སྤྲད་དེ་བོད་པའི་བཙན་རྒོལ་ལ་རྒྱབ་སྐྱོར་བྱས་ཡོད་པའི་དངོས་བྱུང་གློག་བརྙན། འཇབ་དམག་ཅེས་པ་དེ་སྤྱན་འབུལ་ཞུ་གི་ཡིན། གློག་བརྙན་དེ་ནི་བསྟན་འཛིན་བསོད་ནམས་ལགས་དང་རི་ཏུ་ས་རིན་ལགས་རྣམ་གཉིས་ཀྱི་ཁྲུང་ཁྲུང་དཀར་མོ་གློག་བརྙན་བཟོ་སྐྲུན་ཁང་གིས་བཟོ་སྐྲུན་གནང་སྟེ། ཨ་རིའི་རླུང་འཕྲིན་ཁང་གིས་བོད་སྐད་དུ་ཕབ་སྒྱུར་ཞུས་པ་ཡིན།