TV Schedule
༢༢:༠༠ - ༢༣:༠༠
ཀུན་གླེང་། ༢༠༢༢ ལོའི་ཟླ་༡༡ ཚེས་༢༣
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་ནག་ཀྲིན་ཀྲིག་ཏུ་བཟོ་བའི་ངོ་རྒོལ་བྱུང་བ་དང་། ༧གོང་ས་མཆོག་ལ་གྷན་ཌི་མེན་ཌ་ལཱ་གཟེངས་རྟགས་ཕུལ་བ། ཨ་རིའི་སྲིད་འཛིན་གཞོན་པས་ཧྥེ་ལེ་པིན་ལ་འཚམས་གཟིགས། ཡུག་ཀེ་རན་གྱི་དམག་འཁྲུག ས་འོག་འབར་མདེལ་སྙན་ཐོ། བྱང་ཀོ་རི་ཡའི་འགོ་ཁྲིད་ཕ་བུ་གཉིས། འཛམ་གླིང་རྐང་སྤོལ་རྩེད་འགྲན་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་དང་། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བསྟན་ཆོས་རྒྱ་མཚོ་ལགས། འདི་ག་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་རྣམ་རྒྱལ་ལགས་བཅས་དང་ལྷན་ཨ་རིའི་གྲོས་ཚོགས་འོག་མའི་ཚོགས་གཙོ་ནན་སེ་ པེ་ལོ་སི་ཡི་ལོ་རྒྱུས་དང་། ཚོགས་གཙོ་ཁོང་གིས་བོད་དོན་འཐབ་རྩོད་ལ་རྒྱབ་སྐྱོར་ག་འདྲ་གནང་བའི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།