TV Schedule
ཀུན་གླེང་། ༢༠༢༢ ལོའི་ཟླ་༧ ཚེས་༢༢
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཏོག་ནད་ཀྱི་ནད་དུག་གསར་པ་འཛམ་གླིང་གང་སར་འགོས་ཁྱབ་འགྲོ་བཞིན་པ་དང་། ཨ་རི་དང་རྒྱ་ནག་གི་སྲིད་འཛིན་གཉིས་ཀྱི་བཀའ་མོལ་གནང་འཆར། ཡུག་ཀེ་རན་གྱི་སྲིད་འཛིན་སྐུ་ཟླས་ཨ་རིའི་གྲོས་ཚོགས་སུ་འབོད་སྐུལ། སིངྒ་ལའི་སྲིད་འཛིན་གྱི་དམ་འབུལ་སོགས་ཡོད། དེ་རིང་གི་བོད་ཀྱི་ཆབ་སྲིད་བཙོན་པ་ངོ་སྤྲོད་ལེ་ཚན་ནང་ཆབ་སྲིད་བཙོན་པ་ལྷུན་གྲུབ་རྡོ་རྗེ་དང་རིན་ཆེན་ཚུལ་ཁྲིམས་གཉིས་ངོ་སྤྲོད་བྱས་ཡོད། ཁོང་གཉིས་ནི་སྤྱི་ཚོགས་དྲ་ལམ་སྟེང་བོད་ཀྱི་ཆབ་སྲིད་དང་འབྲེལ་བའི་གནས་ཚུལ་སྤེལ་བར་བརྟེན་འཛིན་བཟུང་དང་བཙོན་འཇུག་ཁྲིམས་ཐག་བཅད་པ་རེད། ཀུན་གླེང་ལས་རིམ་དུ་བསྟན་འཛིན་ནོར་བཟང་ལགས་ཀྱིས་༧གོང་ས་མཆོག་གི་ལ་དྭགས་མཛད་འཕྲིན་དང་ས་གནས་མང་ཚོགས་ཀྱི་ནང་ཆོས་དོ་དབྱིངས་སྐོར་ལ་ཆིབས་སྒྱུར་གོ་སྒྲིག་ཚོགས་ཆུང་ཁོངས་སུ་ཡོད་པ་ཐུགས་སྲས་རིན་པོ་ཆེ་མཆོག་དང་། ལ་དྭགས་དགོན་པའི་ཚོགས་འདུའི་དབུ་སྐྱོང་བསྟན་འཛིན་དབང་གྲགས་དང་ལྷན་དུ་གླེང་མོལ་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།