TV Schedule

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྡོ་རྗེ་གདན་དུ་སྔ་འགྱུར་རྙིང་མའི་ཆོས་བརྒྱུད་འཛིན་པ་ཡོངས་ནས་བརྟན་བཞུགས་བསྟར་འབུལ་གནང་བ་དང་། རྒྱ་ནག་གི་མི་འབོར་མར་ཆག་པ། བལ་ཡུལ་གྱི་གནམ་གྲུའི་ཆག་སྒོ། འཛམ་གླིང་དཔལ་འབྱོར་གླེང་སྟེགས་སྟེང་དབུལ་ཕྱུག་གི་ཁྱད་པར་ལ་དོ་སྣང་ཆེན་པོ་བྱེད་བཞིན་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཉི་ཧོང་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་དང་ལྷན་ཉི་ཧོང་གི་དམག་སྟོབས་རྒྱ་སྐྱེད་ཀྱི་གནད་འགག་དང་རྒྱུ་རྐྱེན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན། དེ་བཞིན་ཚེ་རིང་སྐྱིད་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་པ་བསྟན་འཛིན་ནོར་རྒྱས་གདན་འདྲེན་ཞུས་ནས་རྒྱ་ནག་གིས་ཚེ་བཙོན་ལ་བཅུག་ཡོད་པའི་རྡོ་རྗེ་བཀྲ་ཤིས་ཀྱི་ནང་མིའི་ཡོངས་གྲགས་ལས་འགུལ་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།