༄༅།། རྒྱ་ནག་གི་འཕྲོད་བསྟེན་ལྷན་ཁང་གིས་ཧྲང་ཧེ་གྲོང་ཁྱེར་གྱི་རྒན་རྒོན་གསུམ་ལ་ཏོག་དབྱིབས་ནད་དུག་འགོས་ནས་འཆི་སྐྱོན་བྱུང་སོང་། ཁོ་ཚོ་ལོ་ན་༨༩་ནས་༩༡་བར་དུ་རེད། དེང་སྐབས་ཧྲང་ཧེ་གྲོང་ཁྱེར་དུ་ཆ་མཉམ་ཉི་མ་རེར་ཏོག་དབྱིབས་ནད་དུག་འགོས་པའི་ནད་པ་གསར་པ་༢༠༠༠༠་རེ་འཐོན་གྱི་འདུག་ཅེས་གསལ་བསྒྲགས་སྤེལ།
ལ་དྭགས་ཀྱི་ས་མཚམས་ཁག་ཏུ་འགྲེམ་འཇོག་བྱེད་ཡོད་པའི་རྒྱ་གར་གྱི་དམིགས་བསལ་དམག་དོན་མི་སྣ་ཁག་ཅིག་ལ་བོད་སྐད་སློབ་སྦྱོང་སྤྲད་པའི་རྗེས་སུ་རྒྱ་སྐད་སློབ་སྦྱོང་སྤྲོད་རྒྱུ་མགོ་ཚུགས།
༄༅།། ཨུ་རུ་སུས་རང་གི་བྱང་ཕྱོགས་སུ་ཆགས་པའི་ཁྱིམ་མཚེས་རྒྱལ་ཁབ་ཧྥིན་ལན་ཌི་དང་སུད་ཌེན་གཉིས་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་ན་ས་མཚམས་སུ་དམག་དཔུང་མང་དུ་བཏང་སྟེ་རྡུལ་ཕྲན་མཚོན་ཆ་འགྲེམ་འཇོག་བྱ་རྒྱུ་ཡིན་ཞེས་བསྒྲགས།
༄༅།། ཨུ་རུ་སུའི་དམག་གིས་ཡུཀ་རེན་གྱི་བྷུ་ཆ་ས་ཁུལ་བཙན་བཟུང་བྱས་པའི་རྗེས་སུ་བུ་མོ་ལོ་༡༤་ཅན་ཞིག་ཚུད་པའི་བུད་མེད་༢༥་ལ་ཉི་མ་མང་པོར་བཙན་གཡེམ་བྱས་ནས་བུད་མེད་ཁག་ཅིག་ལ་མངལ་སྦྲུམ་ཡོད་པའི་གནས་ཚུལ་ཐོན་འདུག
ལ་དྭགས་པ་ཁོར་ཡུག་སྲུང་སྐྱོབ་པ་འཇིགས་མེད་ཟེར་བ་ཞིག་གིས་ཡུ་ཊུབ་དྲྭ་ལམ་ནས་རྙེད་པའི་བརྙན་ཐུང་དེ་སླར་ཡང་དྲྭ་ལམ་དུ་སྤེལ་ཏེ་རྒྱ་གར་བ་ཡུལ་སྐོར་སྤྲོ་འཆམ་པ་དེ་དག་གི་སྤྱོད་ངན་ཐེར་འདོན་བྱས་ནས་བཟུང་།
༄༅།། བདུན་ཕྲག་སྔོན་མར་ཊོས་ཊར་དྲྭ་ལས་ཁང་གིས་ཨུ་རུ་སུའི་གཞུང་འབྲེལ་མི་འབྲེལ་སྣ་ཚོས་ཡུཀ་རེན་གྱི་བྷུ་ཆ་ས་གནས་སུ་ཞི་བའི་མི་མང་སྡེབ་གསོད་བྱུང་་མེད་ཅེས་དོན་དངོས་ལ་སྙོན་གྱི་ཡོད་པའི་བརྡ་འཕྲིན་ཞིག་སྤེལ།
ཕྱི་ཟླ་༢་པའི་ཚེས་༢༤་ཉིན་ཕུ་ཊིན་གྱིས་ཡུཀ་རེན་ལ་བཙན་འཛུལ་དམག་འཁྲུག་བསླངས་ནས་བཟུང་། ཡུཀ་རེན་གྱི་དམག་ས་ཁག་ཏུ་ཨུ་རུ་སུའི་དམག་དཔུང་བཀོད་འདོམས་པ་དང་དམག་སྤྱི་བཅས་དམག་དཔོན་༩་ཡི་ཚེ་སྲོག་ཤོར། གཟའ་མཇུག་དེར་ཕུ་ཊིན་གྱིས་ཡུཀ་རེན་གྱི་དམག་འཁྲུག་གི་སྤྱི་ཁྱབ་བཀོད་འདོམས་པ་གསར་པ་ཞིག་བསྐོ་བཞག་བྱས་པའི་གནས་ཚུལ་ཐོན་འདུག
༄༅།། ཨུ་རུ་སུའི་གཞུང་གིས་ཧྥིན་ལན་ཌི་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་ན་རང་གི་རྒྱལ་ཁབ་རྩ་བརླག་ཏུ་གཏོང་གི་ཡོད་པ་རེད་ཅེས་སྡིགས་ར་བསྐུལ། ཧྥིན་ལན་ཌིའི་སྲིད་བློན་ཟུར་པ་ཞིག་གིས་ང་ཚོའི་རྒྱལ་ཁབ་འདི་གང་མགྱོགས་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་རྒྱུའི་སྙན་ཞུ་འབུལ་འཆར་ཡོད།
ཨུ་རུ་སུའི་སྲིད་འཛིན་ཕུ་ཊིན་གྱིས་ཡུཀ་རེན་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་འཆར་ཡོད་པ་འགོག་གི་ཡོད་ཅེས་བཙན་འཛུལ་བྱས་ནས་དམག་འཁྲུག་བསླངས། ད་ལྟ་ཨུ་རུ་སུའི་བྱང་ཕྱོགས་ཀྱི་ཁྱིམ་མཚེས་རྒྱལ་ཁབ་ཧྥིན་ལན་ཌི་དང་སུད་ཌེན་གཉིས་ནུབ་ཆིངས་དམག་དོན་སྒྲིག་འཛུགས་ཁོངས་སུ་ཞུགས་རྒྱུའི་གྲ་སྒྲིག་བྱེད་ཀྱིན་འདུག
ཕྱི་ཟླ་༢་པའི་ཚེས་༢༤་ཉིན་ཨུ་རུ་སུས་ཁྱིམ་མཚེས་རྒྱལ་ཁབ་ཡུཀ་རེན་ལ་བཙན་འཛུལ་བྱས་ནས་བཟུང་། ཨ་མི་རི་ཀ་དང་དབྱིན་ཇིའི་གསང་བའི་ལས་ཁུངས་ཁག་གིས་སྔར་དང་མ་འདྲ་བར་ཡུཀ་རེན་གྱི་དམག་ས་ཁག་ཏུ་ཅི་ཞིག་འབྱུང་གི་ཡོད་མེད། ཨུ་རུ་སུའི་དམག་ལ་འཆི་རྨས་ཅི་ཙམ་འཕོག་གི་ཡོད་མེད་ཀྱི་གནས་ཚུལ་རྣམས་ཕྱིར་བསྒྲགས་བྱ་རྒྱུ་མགོ་བརྩམས།
ལ་དྭགས་ཀྱི་གྲོས་ཚོགས་འཐུས་མི་འཇམ་དབྱངས་ཚེ་རིང་རྣམ་རྒྱལ་གྱིས་གྲོས་ཚོགས་འོག་མར་རྒྱ་གར་གྱི་རྩ་ཁྲིམས་ལེའུ་༨་པའི་འོག་ཏུ་བྷོ་ཊིའི་སྐད་ཡིག་རྒྱལ་ཡོངས་ཀྱི་སྐད་རིགས་ཁག་གི་གྲས་སུ་ངོས་འཛིན་བྱ་དགོས་ཞེས་ཁྲིམས་གཞི་ཞིག་གྲོས་ཚོགས་འོག་མར་མཚམས་སྦྱོར་བྱས་པའི་གནས་ཚུལ་ཐོན་འདུག
རྒྱ་ནག་གི་རྒྱལ་ཡོངས་འཕྲོད་བསྟེན་ལྷན་ཁང་གིས་ཕྱི་ཟླ་༣་པའི་ཚེས་༣༡་ཉིན་རྒྱལ་ནང་དུ་ཏོག་དབྱིབས་ནད་དུག་འགོས་ཁྱབ་བྱུང་བའི་ནད་པ་གསར་པ་༡༧༨༧་ཐོན་སོང་། མི་དེ་དག་གྲས་ཀྱི་མི་༣༥༨་ཧྲང་ཧེ་གྲོང་ཁྱེར་དུ་ཡོད་པ་དང་མི་༥༤༤༢་ལ་ནད་མནར་མ་བྱུང་བར་ནད་རྟགས་ཐོན་སོང་། ཁོ་ཚོའི་གྲས་ཀྱི་མི་༤༡༤༤་ཧྲང་ཧེ་གྲོང་ཁྱེར་དུ་འདུག་ཅེས་བསྒྲགས།
༄༅།། རྒྱ་ནག་གི་འབྱོར་ལྡན་པ་མང་དག་ཅིག་ལྷོ་ཤར་ཨེ་ཤི་ཡའི་རྒྱལ་ཁབ་སིངྒ་པུར་དང་ཐེ་ལན་ཌི་སོགས་ལ་ཁྱིམ་གཞིས་སྤོས། ཁོ་ཚོའི་དངུལ་སྒོར་རྣམས་སིངྒ་པུར་སོགས་ལ་བཏང་སྟེ་རྒྱལ་ཁབ་དེ་དག་གི་དངུལ་ཁང་ཁག་ཏུ་བཅོལ་བའམ། ཡང་ན་ལྷོ་ཤར་ཨེ་ཤི་ཡའི་རྒྱལ་ཁབ་ཁག་གི་ཁྲོམ་རའི་ནང་དུ་མ་རྩ་བཙུགས་ཏེ་ཚོང་ལས་གཉེར།
༄༅།། ཡུཀ་རེན་གྱི་རྒྱལ་སྲུང་གསང་བའི་ལས་ཁུངས་ཀྱིས་ཨུ་རུ་སུའི་གསང་ཉུལ་རེད་ཅེས་མི་༦༢༠་ཐམ་པའི་མིང་ཐོ་ཞིག་ཡོངས་གྲགས་སུ་ཕྱིར་བསྒྲགས་བྱས་ཤིང་།
༄༅།། ཐེ་ཝན་གྱིས་འབྲུག་ཡུལ་ལ་ཏོག་དབྱིབས་ནད་དུག་སྔོན་འགོག་གི་ཁ་རས་དང་དབུགས་གཏོང་འཕྲུལ་ཆས་བཅས་སྨན་བཅོས་ཀྱི་ཡོ་བྱད་ཁག་ཅིག་རོགས་སྐྱོར་སྤྲད་པ་ཡིན་ཞེས་ཕྱི་ཟླ་༣་པའི་ཚེས་༢༧་ཉིན་ཐེ་ཝན་གྱི་ཕྱི་སྲིད་ལྷན་ཁང་གིས་གསལ་བསྒྲགས་སྤེལ་འདུག
༄༅།། སྲིད་འཛིན་ཛེ་ལན་སི་ཀིས་ཞི་བདེའི་ཆེད་དུ་ཡུཀ་རེན་བར་གནས་བྱེད་ཆོག་པ་དང་ཤར་གྱི་ཁ་བྲལ་གྱེན་ལོག་པའི་མངའ་ཁུལ་ཁག་གི་གནས་ཐོབ་ལའང་གུ་བཤངས་བྱེད་ཆོག་ཅེས་གྲོས་མགོ་བཏོན། ཡུཀ་རེན་གྱི་མཐོ་རིམ་གཞུང་འབྲེལ་མི་སྣ་གཞན་ཞིག་གིས་ཨུ་རུ་སུའི་སྲིད་འཛིན་ཕུ་ཊིན་གྱིས་ཡུཀ་རེན་དུམ་བུ་གཉིས་སུ་བགོ་འཆར་འདུག་ཅེས་སྐྱོན་བཙུགས།
༄༅།། ཨ་རིའི་སྲིད་འཛིན་ཇཱོ་བྷ་ཌན་ནས་རྒྱལ་སྤྱིའི་སྤྱི་ཚོགས་ཀྱིས་ཨུ་རུ་སུར་ཕྱི་འབྲེལ་དང་དཔལ་འབྱོར། ཚོང་ལས་བཅས་ཀྱི་འབྲེལ་བ་བཅད་ནས་གྲོགས་མེད་ཁེར་རྐྱང་དུ་འཇོག་དགོས། ཨུ་རུ་སུ་འཛམ་གླིང་གི་དཔལ་འབྱོར་སྟོབས་ཅན་རྒྱལ་ཁབ་༢༠་ཐམ་པའི་ཚོགས་ཁོངས་ནས་ཕྱིར་འབུད་གཏོང་དགོས།
ཨུ་རུ་སུའི་སྲིད་འཛིན་ཕུ་ཊིན་གྱིས་ཡུཀ་རེན་ལ་བཙན་འཛུལ་དམག་འཁྲུག་བསླངས་ནས་ཟླ་བ་གཅིག་འཁོར་བའི་སྐབས་འདིར་ནུབ་ཆིངས་དམག་དོན་སྒྲིག་འཛུགས་ཀྱིས་ཨུ་རུ་སུའི་དམག་མི་༧༠༠༠་ནས་༡༥༠༠༠་ཙམ་ཡུཀ་རེན་གྱི་དམག་ས་ཁག་ཏུ་བསད་འདུག་ཅེས་རགས་རྩིས་ཀྱི་གནས་ཚུལ་ཞིག་སྤེལ།
མང་སྣོན།
