ཀུན་གླེང་། ༢༠༢༣ ལོའི་ཟླ་༤ ཚེས་༡༤

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྲིད་སྐྱོང་གིས་ལྡི་ལིར་ཡོད་པའི་ཕྱི་རྒྱལ་གསར་འགོད་མཐུན་ཚོགས་སུ་༧གོང་ས་མཆོག་ལ་མཚན་ཤས་བཟོ་རྒྱུ་མཚམས་འཇོག་དགོས་གལ་གསུངས་པ་དང་། བྷ་ཌན་གྱིས་ཨེ་ཨེར་ལན་ལ་འཚམས་གཟིགས། བྱང་ཀོ་རི་ཡའི་འཕུར་མདེལ། ཨ་རིའི་གསང་བའི་ཡིག་ཆ་དང་། དྲུང་ཆེས་ཝེ་ཊི་ནེམ་ལ་འཚམས་གཟིགས་གནང་འཆར་སོགས་ཡོད། དེ་རིང་གི་དྲ་སྣང་གི་བོད་དུ་༧གོང་ས་མཆོག་གི་མཇལ་ཁའི་བརྙན་ཐུང་དང་འབྲེལ་བའི་ཐད་གོ་བ་ལོག་སྒྲུབ་ཀྱི་གནས་ཚུལ་བྱུང་མ་ཐག་རྒྱལ་སྤྱིའི་དྲ་ལམ་ཁག་ཏུ་གསལ་བཤད་གནང་མཁན་བོད་མི་དགུ་ལ་འབྲེལ་བ་བྱས་ཏེ། བོད་མི་ཚོས་གདོང་ལེན་ཇི་ལྟར་བྱེད་དགོས་པའི་སྐོར་བཀའ་འདྲི་ཞུས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་༧གོང་ས་མཆོག་གི་སྐུའི་གསུང་སྒྱུར་གླང་རི་བ་དགེ་བཤེས་ཐུབ་བསྟན་སྦྱིན་པ་གདན་འདྲེན་ཞུས་ནས་རྒྱ་གར་བའི་བྱིས་པ་ཞིག་གིས་༧གོང་ས་མཆོག་ལ་འཐམ་ཆོག་གམ་ཞེས་བཀའ་འདྲི་ཞུས་པའི་རྗེས་སུ་༧གོང་ས་མཆོག་ནས་ཕྲུ་གུ་དེར་སྐུ་རྩེད་གནང་བའི་བརྙན་ཐུང་ཞིག་དྲྭ་ལམ་དུ་ཁྱབ་ནས་བགྲོ་གླེང་སྣ་ཚོགས་བྱུང་བའི་ཐད་དཔྱད་བརྡར་བྱས་ཡོད་པས་དུས་ཐོག་གསན་གཟིགས་གནང་བར་ཞུ།།